Dhiig Bax
Dhiig bax waa waxyaabaha ugu badan ee keena dhimashada sidaa daraadeed, joojinta dhiig baxa dibada  waa in la siiyaa ahmiyada kowaad. Dhiig baxa waxaa loo qeybiyaa dhiig bax dibada ah iyo dhiig bax gudaha ah.
Noocyada dhiig baxa

  1. Dhiig baxa halbowlayaasha
    Dhiiga waxaa uu u socdaa si xawli ah. Dhiiga waa uu sii saa’idaa garaaca wadnaha awgiis wayna adagtahay in la xadido. Dhiig  baxaani waa mid aad

    qatar u ah maadaama uu qofka dhumin karo dhiig badan oo Oxygenated ah.
  2. Dhiig baxa arooriyaasha
    Waa ay fududahay in la xadido sababtoo ah dhiiga ku jira arooriyaasha waa dhiig cadaadiskiisu yaryahay, waana fududahay in ay xanjir sameeysmato si uu dhiiga u istaago.
  3. Dhiig baxa tiftaafyada
    Waa dhiig baxa ugu badan ayna fududahay in la xadido maadaama ay tiftaafyadu u dhaw yihiin maqaarka jirka, cadaadiska dhiiga ku jira tiftaafyada waa mid aad u yar.

Maareynta dhiig baxa

  • Samee tijaabooyinka aasaasiga ah DRS ABCD
  • Gee qofka goob caafimaad
  • Kor u qaad xubinta dhaawacan.
  • Dhiig baxa waxaa uu sababi karaa miyir la’aan waxaa uu qofka u baahanyahay CPR.
  • Si toos ah u cadaadi qeybta dhaawacan si dhiiga uu u joogsado.

Hadii uu jiro dhiig bax gudaha ah waa ay adagtahay in wax laga qabto, sidaa daraadeed waa in aad sida ugu dhaqsiyaha badan qofka geysaa goobta caafimaadka kuugu dhaw.

Fikirkaada Waa Muhiim