Qisadan waa mid ka mid ah qisooyinka ugu cajiibka badan, uguna soo jiidashada badan oo ay qoreen culumada Islaamka, ayaan maanta mawduucan idiin ku soo bandhigeyaa.

Qisadaan oo run ahaantii noqon doonta mid dareen baaxad leh kugu Reebta.

 Gabadh aad u qurux badneed, hanaan wacana ilaahey ku maneystay ayaa waxaa la Sheegay inuu aad uga helay nin ay meel isku arkeen, ninkii ayaana aad ula yaabay gabadhaan quruxdeeda iyo qaabka ilaah u sameeyay.

Ninkaan ayaa isku dayay inuu gabadhan xidhiidh la sameeyo, si uu ula sheekeysto, balse marar badan ayey ku gacan seydhtay, iyado ka diiday inuu hadal la furto.ninkii ayaa waddo walba u soo maray siduu mar uun ku heli lahaa gabdhaan.

Gabar walbo in ay dhowrsanaanto waa wax wanaagsan oo dhaqan ahaana ku wanaagsan bulshada, Dhinaca kale haddii ay isqaawiso waxaa bulsahda ku bato xumaanta iyo kufsiga, sidaas awgeed gabadha waa wanaaga iyo xumaanta bulshada waa hadba sida ay u dhaqanto.

Balse adoonta ilaahey ku xidhan, quruxdana lagu maneystay ayaa go’aankeeda ku adkeysatay, iyadoo fursad dhan u diiday inuu ninkani usoo dhawaado.

Ninkii ayaa go’aansaday inuu kufsado gabadhan, oo uu xoog wax kaga qaato, maadaama uu xeelad wax uga waayey, wuxuuna xoogay gabadhii oo aan raali ka aheyn, wax walbana qasab ayuu uga qaatay, balse arinka la yaabka leh ee qalbigaaga dhaqaajin doona ayaa ah arinka ay gabadhani ku dhaqaaqday intii uu ninkani howshiisa watay.

Gabadhan ayaa aragtay in ninkani uu ka xoog badiyay, wax ay sameyn kartaana aysan jirin, waxeyna ku fikirtay waxa ugu dhow ee gacanteedu gaadho iney soo qabsato, balse sheygii ugu dhawaa ayaa noqday dab shidan oo meel agteeda ah yaalay, waxeyna gacmaha la gashay dabkii ayadoo gacmaheeda u badheedhtay iney gubto.

Ninkii ayaa howshiisa dhameystay, balse markuu ka istaagay ayuu la yaabay ficilka ay sameysay gabadhu iyo sababaha ku dhaliyay iney is gubto, waxuuna weydiiyay maxaa sababay?

Waxeyna ugu Jawaabtay:

Markii aan arkay inaad iga awood badisay, oo aanan heynin waddo kale oo aan isaga kaa celiyo, waxaan go’aansaday inaan gacmaheyga gubo, si aanan kuu dareemin, danbigana aanan kuula wadaagin.

Arinkan ayaa la yaab iyo dhakafaar ku noqday ninkii, balse ficilka ay sameysay gabadhani ayaa noqday tusaale cajiib badan, qalbiga qofka Muslimka ahna dhaqaajiya, ayadoo ay haboon tahay in lagu cibro qaato.

Fikirkaada Waa Muhiim